Nga 1 janari 2025 në fuqi çmimet e reja të siguracioneve, ja kush do të paguajë më shumë

Nga Aurora Sulçe, Producente Ekzekutive për Biznesin në A2 CNN

Duke filluar nga 1 janari i vitit të ardhshëm, çmimet e sigurimit të automjeteve nuk do të jetë të njëjta për të gjithë, por të diferencuara. Më shumë do të paguajnë ata që kanë bërë aksidente në të kaluarën, si dhe kanë makina me fuqi motorike të madhe.

Autoriteti i Mbikëqyrjes Financiare nga miratuar rregulloren që përcakton faktorët që do të ndikojnë tek cmimi i siguracionit që duhet të paguesi drejtuesi i mjetit.

Këta faktorë janë: historiku i aksidenteve, përfshi edhe rastet kur shkaktari i aksidentit nuk është i përfshirë në policën e sigurimit; fuqia motorike e mjetit; mosha e të siguruarit; eksperienca në drejtimin e mjetit; vjetërsia e automjetit etj.

Sigurimi i automjeteve, që është i detyrueshëm me ligj, dominon tregun e sigurimeve në Shqipëri.i

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas të dhënave, 65.9% e tregut përbëhet pikërisht nga sigurimi i makinave; ndërkohë që vetëm 14.7% është sigurimi i jetës dhe shëndetit, që është sigurim vullnetar, si dhe 19.3% sigurimi i pronës, gjithashtu vullnetar, por detyrueshëm në rastin e nënshkrimit të kredive. Shifrat e mësiprme tregojnë qartë se shqiptarët sigurojnë makinat, por jo jetën dhe shëndetin.

Por cilat janë arsyet e kësaj situate?

Katër janë faktorët kryesorë, që të kombinuar me njëri tjetrin kanë kushtëzuar nivelin e ulët të zhvillimit të tregut të sigurimeve në Shqipërisë: Të ardhurat e pakta të qytetarëve dhe familjeve; mungesa e besimit tek kompanitë e sigurimit; mungesa e kulturës së të siguruarit, si dhe mangësitë në legjislacion.