LIGJET E BIZNESIT
Bordi i Transparencës së Hidrokarbureve ka vendosur këtë të shtunë një rritje të re për naftën dhe benzinën në tregun e pakicës.
Sipas vendimit, çmimi i naftës është rritur me 15 lekë për litër, duke shkuar nga 203 lekë në 218 lekë/litër. Ndërsa benzina është shtrenjtuar me 6 lekë, duke arritur në 181 lekë/litër nga 175 lekë që ishte më parë.
Ky ndryshim vjen vetëm një ditë pasi bordi kishte vendosur uljen e çmimeve, vendim që qëndroi në fuqi për pak ditë dhe hasi kundërshtime nga importuesit e naftës. Ata paralajmëruan se çmimet e vendosura ishin nën kosto dhe mund të çonin në pezullim të furnizimit në treg.
Në reagimin e tyre drejtuar institucioneve, importuesit kërkuan rishikim të metodologjisë së përllogaritjes së çmimeve, duke argumentuar se llogaritjet ishin bërë gabim.
Ndërkohë, në rritjen e çmimeve ka ndikuar edhe situata në tregjet ndërkombëtare. Nafta në bursat e huaja është rritur në 112 dollarë për fuçi, nga 109 dollarë që ishte një ditë më parë, për shkak të pasigurive në furnizim, të lidhura me tensionet në Kanalin e Hormuzit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vendimi i Bordit ka hyrë në fuqi këtë të shtunë në orën 10:30 dhe do të mbetet në fuqi deri në një njoftim të ri.
