LIGJET E BIZNESIT
Bumi turistik i të huajve i shoqëruar edhe me një konsum më të lartë, sollën si rezultat prodhimin e më shumë mbetjeve në Shqipëri në 2023. 24 mijë tonë më shumë se në 2022 u prodhuan në vend, duke arritur një nivel prej 844 mijë tonë gjithsej.
Janë mbetjet familjare dhe të ngjashme me to ato të cilat zënë përqindjen më të lartë pasuar më tej nga ato industriale. Përballë numrit të popullsisë dhe sasisë së menaxhuar rezulton se mesatarisht një individë në Shqipëri prodhoi mesatarisht 318 kg mbetje në vit.
“Trajtimi i këtyre modeleve në periudhën e ekonomisë qarkulluese e bën më të argumentuar dhe justifikuar procesin e zbatimit projekteve por lloj domosdoshmërie që përkrahet nga pushtetet vendore por dhe vet njerëzit”, thotë Mihallaq Qirjo, ekspert i mjedisit.
Janë mbetjet e ushqimeve ato të cilat zënë edhe përqindjen më të lartë të totalit të mbetjeve, pasuar nga plastika, letra e kartoni, inerte e qelq.
Ndonëse pesha e të cilave ka ardhur duke u rritur në strukturën e përgjithshme të mbetjeve të menaxhuara urbane, riciklimi i tyre qëndron në nivele të ulëta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Edhe pse në ndihmë për riciklim duhet të vinin dhe ndarje e produkteve sipas llojit të materialeve, mbetjet e ngurta urbane depozitohen pa dallime në kazanët grumbullues.
“Projekte të tilla për ndarje në burim të mbetjeve ka pasur në disa bashki por performanca e projekteve ka qenë jo aq e shkëlqyer për shkak të problemit të mbetjeve”, thotë Qirjo.
Kjo gjë ka bërë që 2023 të ricikloheshin 18,81 % e sasisë gjithsej të mbetjeve, ndërkohë që në vitin e kaluar ky tregues ishte 18,89 %. Ndërsa rritje të lehtë ka shënuar djegia e tyre për prodhim energjie.
Në këtë total rreth 76% e mbetjeve depozitohen në landfille dhe fusha mbetjesh.
