Gjykata Kushtetuese ka dhënë vendim pro studentëve të mjekësisë, duke pezulluar ligjin që i detyron ata të punojnë 5 vite në Shqipëri pas përfundimit të studimeve. Ose në të kundërt, të paguajnë 2300 euro në vit. Kanë qenë 30 deputetë të opozitës dhe një grup studentësh të Mjekësisë që e cuan cështjen në Gjykatë Kushtetuese. Kje fundit vendosi shqyrtimin e çështjes në themel.
Në vijim, do të ketë një vendim të plotë, nëse ligji do të mbetet në fuqi apo do të rrëzohet. Pezullimi është bërë derisa Gjykata të shprehet për ligjin në tërësi.
Më 21 korrik Kuvendi miratoi me 71 vota pro, 23 kundër dhe asnjë abstenim projektligjin për studentët e Mjekësisë.
Ky ligj u kundërshtua nga studentët, të cilët për rreth 3 javë bënë disa protesta, në të cilat kërkonin që të mos kalonte në parlament dhe t’u siguronte atyre më shumë mundësi dhe kushte, që të punonin me dëshirë në vend.
