Buxheti 2024 për transportin, ja rrugët që do të ndërtohen vitin e ardhshëm

Përvec vazhdimit të financimit të rrugëve të nisura tashmë, qeveria ka parashikuar fillimin e punimeve në disa akse të reja rrugorë vitin e ardhshëm. Në buxhetin 2024 janë parahsikuar 52.8 miliardë lekë për infrastrukturën. Ministrja e Infrastrukturës dhe Energjisë, Belinda Balluku ka deklaruar se fondet do të fokusohen në investimet rrugore për lehtësimin e trafikut dhe qarkullimit në vend.

“Ne kemi parashikuar brenda këtij buxheti zgjerimin e autostradës Tiranë-Durrës me dy korsi nga secila anë. Një korsi për t’iu shtuar rrugë ekzistente dhe një korsi emergjence. Ndërtimi i aksit rrugor Elbasan-Lekaj, “Korridori 8”, faza e parë. Zgjerimi i rrugës Levan-Gjirokastër, faza e parë. Qendra e monitorimit të trafikut, vazhdimi i fazës së dytë. Ndërtimi i rrugës Berat-Ballaban, Loti 2”, u shpreh Balluku.

Për projektet e transportit rrugor vitin e ardhshëm do të jepen 23 miliardë lekë, ndërkohë që 11.5 miliardë lekë do të shkojnë për sektorin e furnizimit me ujë dhe kanalizime dhe 8.8 miliardë lekë për transportin detar. Ndërsa për energjinë janë parashikuar 3.2 miliardë lekë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern