LIGJET E BIZNESIT
Eksportet kanë shënuar një tjetër rënie të fortë në prill, duke dhënë konfirmuar situatën e vështirë të paralajmëruar tashmë nga bizneset e sektorit. Sipas të dhënave të Institutit të Statistikave, në prill eksportet u tkurrën me 19.3% kundrejt të njëjtës periudhë të një viti më parë, ndërkohë që në mars rënia ishte 11.7%.
Ritmet e ritmet së eksporteve në vlerë janë ngadalësuar ndjeshëm në krahasim me janarin, kur shitjet jashtë vendit u zgjeruan me 20.2% me bazë vjetore, ndërsa në shkurt u zgjeruan me vetëm 2.8%.
Si rrjedhojë, për gjithë 4 mujorin, shitjet jashtë vendit ranë rezultuar me tendencë negative, duke u reduktuar me 3.4%.
Sipas INSTAT, duke qenë se Shqipëria, kryen pjesën më të madhe të shkëmbimeve tregtare me vendet e Eurozonës, zhvlerësimi i euros ka ndikuar në volumin tregtar, krahasuar me një vit më parë. Gjithashtu, rënia e çmimeve në tregjet botërore të produkteve, që kanë ndikim në volumin tregtar, ka ndikuar në treguesit e eksport/importit për muajin Prill 2023 krahasuar me një vit më parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas INSTAT, në prill 2023 eksportet e mallrave arritën vlerën 34 miliardë lekë, duke u ulur me 19.2%, në krahasim me të njëjtën periudhë të një viti më parë dhe një rënie prej 19.3% kundrejt marsit 2023.
Si periudhë 4-mujore, eksportet e mallrave arritën vlerën 156 miliardë lekë, duke u ulur me 3.4%.
Në këtë ecuri negative të eksporteve shqiptare kanë ndikuar grupet: “Materiale ndërtimi dhe metale” me -10.2%, “Minerale, lëndë djegëse, energji elektrike” me -4.6% dhe “Tekstile dhe këpucë” me -3.8%. Ndërsa pozitivisht kanë ndikuar grupet “Ushqime, pije, duhan” me +0.2% dhe “Produkte kimike dhe plastike” me +0.2%.
Ecuria e eksporteve pritet të qëndrojë në terren negativ edhe për periudhën në vijim, duke pasur parasysh nivelin e euros, të zhvlerësuar me rreth 8% kundrejt një viti më parë.
