LIGJET E BIZNESIT
Hotelet dhe bizneset e tjera akomoduese të turizmit pritën më shumë të huaj vitin e kaluar. Sipas asaj që këto strukturat raportojnë tek INSTAT, numri total i të huajve u rrit në 886 mijë persona, nga 685 mijë një vit më parë. Krahas shqiptarëve nga Kosova, që përbënë grupin kryesor në këtë statistikë, të shumtë ishin edhe vizitorët nga Italia, Polonia dhe Gjermania.
Ndërsa numri i netëve të qëndrimit nga të huaj u regjistrua në 2.5 milionë, nga 2 milionë në vitin 2021, apo një rritje me 22%.
Aspekti pozitiv i këtyre të dhënave është fakti se hotelet patën një raport më të mirë shfrytëzimi gjatë gjithë vitit, që do të thotë se më pak dhoma ishin të lira krahasuar me 2021-in, në çdo muaj të vitit.
Por nga ana tjetër, rritja e fortë, sërish rezulton të jetë më e vogël se sa shtimi i vizitorëve të huaj që kanë hyrë në vend. Kjo do të thotë se nga 7.5 milionë hyrjet e turistëve të huaj që regjistruan pikat e kalimit kufitar, një pjesë e madhe ishin thjesht kalimthi në vendin tonë. Ndërsa vizitorët e rinj, preferuan të qëndrojnë mesatarisht më pak në Shqipëri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hotelet kanë raportuar edhe një rritje të ndjeshme të qëndrimeve nga shqiptarët gjatë vitit të kaluar, në rreth 886 mijë. Një pjesë e kësaj shifre justifikohet me rritjen e formalizimit të industrisë.
