LIGJET E BIZNESIT
Marrëveshja e parë e nënshkruar në samitin e BE-Ballkani Perëndimor, që po mbahet sot në Tiranë, është ajo Roaming. Kjo marrëveshja i hap rrugë nisjes së procesit për heqjen e tarifës roaming mes vendeve të Bashkimit Europian dhe Ballkanit Perëndimor.
Nënshkrimi i Deklaratës së Roaming-ut, do të garantojë ulje të ndjeshme të tarifave roaming që nga 1 tetori 2023. Ndërsa tarifat afër niveleve të çmimeve kombëtare synohen të arrihen deri në vitin 2027.
Pas negociatash të gjata Komisioni Europian dhe RCC drejtuar nga Sekretarja e Përgjithshme, Majlinda Bregu kanë arritur marrëveshjen me operatorët e telefonisë celulare në Europë e Ballkan për uljen e tarifave roaming.
Marrëveshja u nënshkrua në prani të 6 udhëheqësve të Ballkanit Perëndimor, Presidentit të Këshillit Europian, Charles Michel, Presidentes së KE-së, Ursula Von Der Leyen, Komisionerit për Fqinjësinë dhe Zgjerimin Olivér Várhelyi dhe Sekretares së Përgjithshme të Këshillit Rajonal të Bashkëpunimit, Majlinda Bregu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
