Duurësi ka qenë qyteti që është frekuentuar më shumë nga turistët e huaj këtë verë. Sipas të dhënave të Institutit të Statistikave, numri i pushuesve në strukturat akomoduese shënoi 13 për qind rritje në muajin korrik. Rritje kanë shënuar si turistët rezidentë me 13.1 për qind edhe ata jo-rezident me 12.9 për qind në raport me korrikun e një viti më parë.
Rajoni me rritjen më të lartë ka qenë Durrësi. Ky i fundit kishte një kërkesë 30 për qind më të lartë sipas turoperatorëve sese kishte kapacitetin akomodues. Ndërkohë Jugu duket se është braktisur nga vendasit të cilët kanë shënuar një rënie 3.5 për qind diçka që është balancuar nga jo-rezidentët që kanë shënuar një rritje 4.2 për qind.
“Numri i vizitorëve rezident të cilët janë akomoduar në Rajonin Qendër ka shënuar rritjen më të lartë prej 2.4 herë. Në Zonat Jo-bregdetare ky tregues është rritur me 50.3 %, krahasuar me të njëjtën periudhë të vitit të mëparshëm. Numri i vizitorëve rezident të cilët janë akomoduar në “Akomodime për pushime dhe të tjera akomodime afatshkurtra” ka shënuar rritjen më të lartë me 53.6 %.
Në muajin Korrik 2022, numri më i lartë i vizitorëve rezulton: sipas rajoneve në “Rajonin Jugut” (36.1 %); sipas zonave të afërsisë me bregdetin në “Zonat Bregdetare” (71.6 %); sipas llojit të strukturave akomoduese në “Hotele dhe akomodime të ngjashme” (92.9 %);Netë qëndrime”, theksohet në publikimin e INSTAT.
Ajo që vihet re është edhe një rritje e netqëndrimeve të cilat janë 14.9 %, më të larta krahasim me muajin korrik 2021.
