LIGJET E BIZNESIT
Gratë sipërmarëse në diasporë mund të ndihmojë për një ekonomi të qëndrueshme në Shqipëri. Kjo nëpërmjet vendosjes së linjave të bashkëpunimit me bizneset lokale, duke investuar kapital dhe njohuri në fushën e tyre të ekspertizës. Janë këto mesazhet kryesore që u dhanë gjatë Samitit të tretë me temë “Gruaja për Zhvillim të Qëndrueshëm”, zhvilluar nga Dhoma Biznesit të Diasporës Shqiptare.
Gjatë diskutimeve në panel, u theksua rëndësia e bashkëpunbimit në fusha me potencial për të ardhmen, siç është dixhitalizimi. Kjo pasi modelet e suksesit të grave në këtë sektor nuk mungojnë, pork a nevojë për një orintim më të mirë drejt atyre që konsiderohen sektorët e të ardhmes, si dhe në lehtësimin e zhvillimit të Start Up-eve.
Samiti i parë i Grave të Biznesit u fokusua në rolin e grave në biznes dhe kontributin e tyre në Diasporë. Ai shërbeu si platforma e parë e dedikuar për Gratë e Diasporës, për të shkëmbyer informacione dhe për të vendosur kontakte për bashkëpunim ndërmjet bizneseve të tyre.
Samiti i dytë synoi të paraqesë sfidat gjatë periudhës së pandemisë COVID 19, përvojat dhe modelet e suksesshme të grave sipërmarrëse, si dhe mundësitë për investime të reja, si dhe krijimin e rrjeteve dhe nxitjen e bashkëpunimit mes tyre.
