LIGJET E BIZNESIT
SPAK i bëri kërkesë sot KQZ për të hetuar kryetarin e Partisë së Lirisë Ilir Meta, pas kallëzimit që bëri ish-deputeti Halit Valteri.
Ndërkohë i menjëhershëm ka qenë reagimi i Metës, i cili thekson se me shtatorin do të vijë edhe drejtesia, duke publikuar edhe një shkresë tjetër të SPK, ku kërkohet informacion mbi gjeneralitetet e ish-presidentit.
“Meqënëse spurdhjaku i partisë ka vendosur t’i shërbejë hapur mafies së inceneratorëve në panik ju lutem njihuni edhe me një kërkesë tjetër serioze për karagjozët më të mëdhenj të Ramaformës. Shtatori po vjen dhe Drejtësia e Popullit nuk do ndalet më! Ramoviçin asgjë nuk e shpëton dot më!”-shkruan Meta.
Në qershor të këtij viti ish-deputeti Halit Valteri kallëzoi në SPAK Ilir Metën pas lajmit të publikuar nga mediat austriake që ka denoncuar aferën e pretenduar “700.000 dollarë për lobim”.
Halit Valteri tha se disponon prova se Meta gjatë kohës që ka qenë në pushtet ka përfituar para nëpërmjet korrupsionit dhe këto i ka përdorur për lobim. Ai shprehet se është kontaktuar nga një gazetar i huaj, emrin e të cilit nuk ka zgjedhur që ta bëjë publik, por shprehet se i ka vënë në dispozicion disa dokumente që vërtetojnë aferën korruptive të Metës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
