Bllokimi i mjeteve ujore pas tragjedisë së Himarës, protestë edhe në Dhërmi

Pas bllokimit të mjeteve ujore pas ngjarjes në Himarë, kanë protestuar dhe pronarët e mjeteve ujore në Dhërmi. Të blllokuar në pikun e sezonit turistik ata shprehen se kjo gjë që po ndodh po i dëmton ekonomikisht.

Vetë pronarët shprehen se 3 ditë më parë, mjetet e tyre janë marrë gjatë natës, pa asnjë lloj njoftimi, ndërkohë që disa prej tyre janë dëmtuar.

Ata akuzojnë edhe për selektime në tolerime të disa mjeteve, ndërsa shprehen se kjo situatë duhet të zgjidhet sa më parë. Sipas tyre, disponojnë lishenca dhe çdo gjë tjetër në mënyrë të rregullt, por ky lloj bllokimi po i shkakton një dëm tejet të madh ekonomik duke bërë që mos të arrijnë dot të paguajnë kreditë e marra për blerjen e mjeteve.

Një prej tyre shprehet se mjetet janë marrë në mënyrë të fshehtë.

“I kanë tërhequr, i kanë shqyer. Kanë bërë çfarë u ka dashur qejfi në mënyrë të paligjshme. Na i kanë prishur mjetet, na kanë vjedhur sende personale. Do hapim një padi, i ke me prova. Po bëjnë zgjedhje selektive”, pohon ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pronarët e mjeteve kërkojnë zgjidhjen e kësaj situate sa më parë, në të kundërt do të përshkallëzojnë protestën e tyre.