LIGJET E BIZNESIT
Ndërsa disa vite më parë, të qënit pjesë e Policisë së Shtetit konsiderohej si e vështirë për gratë, tashmë kjo tabu është thyer. Të dhënat zyrtare të Ministrisë së Financave tregojnë se vitet e fundit ka një rritje të numrit të grave që janë pjesë e kësaj struktuare. Kjo falë edhe asistencës së ofruar nga UN Women për të identifikuar dhe asistuar projekte, që realisht japin rezultatet të prekshme në buxhetimin gjinor.
Sipas statistikave, në Policinë Rrugore janë të punësuara aktualisht 1666 gra, një numër që ka ardhur në rritje në dy vitet e fundit. Në vitin 2020, në këtë institucion ishin të punësuara 1566 gra dhe në vitin 2021, 1616 të tilla. E njëjta tendencë pritet të vijojë edhe gjatë vitit të ardhshëm, ku pritet që numri i grave të punësuara në Policinë e Shtetit të arrijë në 1705. Statistikat vënë në dukje se rritje të numrit të grave ka edhe në diplomimin për të qenë pjesë e Policisë së Shtetit, ashtu edhe të grave rekture ndaj totalit.
Madje, gratë kanë avancuar Brenda kësaj strukture edhe në pozicione drejtuese. Sipas të dhënave të Ministrisë së Financave, raporti i efektiveve policore femra në pozicione drejtuese ndaj totalit të drejtuesve vlerësohet këtë vit në 3 dhe në rritje kundrejt vitit të kaluar, dukuri që pritet të vijojë edhe gjatë dy viteve të ardhshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
