Shkodër/ Shpërthim i fortë me tritol në banesën e oficerit të policisë (EMRI)

Në orët e para të mëngjesit të kësaj të enjte është regjistruar një shpërthim me tritol në Shkodër. Policia ka njoftuar se shpërthimi ka ndodhur në murin e banesë së efektivit, Pëllumb Vukaj.

Për pasojë ka vetëm dëme materiale, ndërkohë që është dëmtuar edhe automjeti i parkuar.

Sipas policisë së Shkodrës, grupi hetimor po punon për zbardhjen e rrethanave të ngjarjes dhe kapjen e personave të përfshirë në këtë ngjarje.

Njoftimi i policisë:

Rreth orës 02:25, në fshatin Hot i Ri, Shkodër, pranë murit të banesës së shtetasit, P. V., 49 vjeç, oficer policie në Komisariatin e Policisë Shkodër, ka shpërthyer lëndë plasëse.

Për pasojë ka vetëm dëme materiale në banesë, si dhe është dëmtuar edhe mjeti i tij tip Benz, i parkuar para banesës.

Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarjeje, identifikimin dhe kapjen e autorit/ve.