Sherr masiv në Vlorë, transportohen në spital disa të rinj

Një sherr masiv mes disa të rinjve ka ndodhur mbrëmjen e kësaj të premteje në qytetin e Vlorës.

Në zënkë janë përfshirë 5 persona, tre prej të cilëve kanë përfunduar në spital.

Vlorë/Informacion paraprak

Më datë 10.06.2022, në lagjen “Pavarësia”, Vlorë, për motive të dobta, janë përfshirë në një konflikt shtetasit Xh. B., 20 vjeç, F. B., 21 vjeç, A. I., 23 vjeç, N. Xh., 27 vjeç dhe M. Xh., 22 vjeç, banues në Vlorë.

Shtetasi A. I., N. Xh., dhe M. Xh., ndodhen në spitalin e Vlorës, nën kujdesin e mjekëve.

Grupi hetimor ndodhet në vendngjarje dhe po punon për përcaktimin e rrethanave të ngjarjes.