Prindër, bëni kujdes me fëmijët tuaj adoleshent

Të rrisësh një fëmijë është detyra më e bukur por edhe më e vështira për një prind.
Që në momentin që vjen në jetë,jeta jote ndryshon dhe prioriteti i kalon foshnjes.

Të gjithë prindërit duan të rrisin fëmijë të suksesshëm dhe të mbarë,por kalojnë nëpër sfida të ndryshme.

Një nga këto është adoleshenca që njihet si periudha më delikate që kalon fëmija juaj.
Si ta përballoni atë me sukses?

Si fillim tregoni interes në atë që është duke bërë fëmija juaj.
Kur lindin mosmarrëveshjet, përpiquni që të gjeni një kompromis.
Mos predikoni dhe mos bezdisni.
Bëni kujdes me thëniet: “kur unë isha sa ti”
Është më mirë të gjeni gjëra të ngjashme me fëmijën tuaj.

Mos jua merrni kritikat afër zemrës.
Adoleshentët shikojnë, dëgjojnë dhe mësojnë më shumë se sa mund të mendoni ju.
Tek adoleshentët janë të zakonshme sjelljet ekstreme, kryesisht si pasojë e ndryshimeve hormonale por edhe si rezultat i një përgjigjeje ndaj ankthit,mos harroni se edhe ata po rriten.

Shpesh janë të shqetësuar pasi nuk kuptojnë se çfarë është duke ndodhur në jetën e tyre,shumica e të rinjve nuk ndihen shumë të prirur që të kalojnë kohën e tyre me prindërit.

Nëse i falni besim dhe hapësira që të rriten, ata do e lenë “adoleshencën” e tyre dhe do të jenë më të lidhur me familjen.