LIGJET E BIZNESIT
I ngarkuari me punë në Ambasadën Amerikane ne Tiranë, Demian Smith tha se shqiptarët kanë filluar të shikojnë rezultate konkrete sa i takon funksionimit të drejtësisë në shërbim të qytetarëve.
Në fjalën e tij në konferencën e zhvilluar nga ILD, “Interesi i publikut në administrimin e drejtësisë̈ dhe pavarësia e magjistratëve” Smith tha se ky është një fillim dhe më shumë duhet bërë, është po kaq e rëndësishme që ta përdorni drejtësinë për llogari të qytetarëve tuaj.
“Shqiptarët kanë nisur të shohin rezultate nga arrestimi i politikanëve dhe zyrtarëve të korruptuar dhe kriminelëve të krimit të organizuar.
Ne po fillojmë të shohim një epokë të re ku sistemi mund t’i shërbejë shqiptarëve dhe jo vetëm politikanëve dhe personave që janë të pasur apo të lidhur në krim. Ky është një fillim dhe më shumë duhet bërë, është po kaq e rëndësishme që ta përdorni për llogari të qytetareve tuaj. SHBA ju inkurajojnë që të vazhdoni me punën pavarësisht pengesave që hasni.”, tha Demian Smith.
Ai theksoi më tej se kurrë më parë Shqipëria nuk ka pasur një kuadër të tillë gjithëpërfshirës për hetimin dhe disiplinimin e gjyqtarëve e prokurorëve. “Ju takon juve të përdorni këto mjete për të vijuar atë që vetingu ka filluar për të siguruar një sistem të drejtë të pavarur drejtësie. Po shohim efektin e një sistemi më të pastër drejtësie e prokurorëve e hetuesve të dedikuar kundër korrupsionit. Varet nga vigjilenca juaj e përkushtimi i institucioneve si ILD për të siguruar dhe ruajtur integritetin e sistemit gjyqësor”, u shpreh zyrtari amerikan.bw
