Ndryshon sërish çmimi i naftës dhe benzinës, ja çfarë vendosi Bordi

Bordi i Transparencës ka ndryshuar sërish çmimet e hidrokarbureve në vendin tonë. Pasi arritën shifrat prej 265 lekë për litër, nafta sot do të shitet 4 lekë më pak, pra 261 lekë. Këto janë ndryshimet e propozuara këtë mesditë të cilat do të hyjnë në fuqi për të gjitha pikat e karburanteve.

Bordi i Transparencës në datë 18 Qershor 2022, në mbledhjen e radhës vendosi: 

-Çmimi i shitjes me pakicë i nënproduktit gasoil i standardit SSH EN 590 të jetë 261 lekë/litri, ndërsa i shitjes me shumicë 249 lekë/litër.
-Çmimi i shitjes me pakicë i nënproduktit benzinë e standardit SSH EN të jetë 236 lekë/litri,ndërsa i shitjes me shumicë 224 lekë/litër.
-Çmimi i shitjes me pakicë i nënproduktit gaz, të jetë 86 lekë/litri me pakicë dhe i shitjes me shumicë 74 lekë/litër për automjetet.

Çmimet e caktuara nga Bordi do të hynë në fuqi sot datë 18 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.