Reshjet e shiut që nisën sot në mesditë përmbytën rrugët e Shëngjinit.
Për pasojë pushuesit kanë boshatisur plazhin.
Kanalizimet e ujërave të zeza që u bashkuan me ato të bardha dolën në sipërfaqe.
Kjo ka krijuar një pamje të pakëndshme për zonën turistike të Shëngjinit dhe vështirësoi lëvizjen e qytetarëve dhe makinave.
Ashtu sikurse ishte parashikuar reshjet e dendura të shiut kanë përfshirë një pjesë të mirë të territorit të vendit ku në disa zona janë shfaqur edhe në formë shtrëngatash. Pak para mesditës, reshjet përfshinë edhe kryeqytetin duke i kapur të papërgatitur qytetarët, të cilët në mëngjes dolën më mëngë të shkurtra dhe pa çadra.
