Avokati Genc Gjokutaj ka bërë thirrje që gazetari investigativ Artan Hoxha të mos ftohet më në asnjë studio televizive.
Kjo pasi Hoxha, disa ditë më parë dha një deklaratë të fortë për dëshminë e Nuredin Dumanit, të penduarit të drejtësisë.
Sipas gazetarit, Dumani ka thënë në SPAK se Ilir Meta porositi vrasjen e vëllait të ish-deputetit të Partisë Socialiste, Arben Ndoka.
Avokati Gjokutaj është shprehur në Syri TV, se Artan Hoxha i ka shërbyer njerëzve të kriminalizuar duke sajuar një skenar të tillë.
“Rasti konkret, ky është lajm i prodhuar. Artan Hoxha ka kryer një krim të rëndë. Të godasësh me pozitën si gazetar. Një gazetar në një studio, të sajojë një skenar kaq të rëndë duke goditur figurën e presidentit, është shërbim i bërë ndaj njerëzve të cilët janë të kriminalizuar.
Të referohesh në një deklaratë të paqenë, i bëj thirrje jo vetëm Fevziut po gjithë gazetarëve që ai mos të thirret më në studio televizive. Artan Hoxha abuzoi me statusin, lirinë e fjalës, statusin fisnik që ka gazetari”, tha Gjokutaj.
