Mori p lumb në fytyrë/ Po lëvizte me makinë, ja si i bënë pritë anëtarit të bandës së Niklës

Dalin detaje të reja nga plagosja e njërit prej anëtarëve të bandës së Niklës.

Ngjarja ndodhi në Fushë-Krujë, ku Marklen Haka ka marrë një plumb në fytyrë, saktësisht në nofull.

Rrethanat e ngjarjes janë ende të paqarta, por bëhet me dije se personi i plagosur, shtetasi Marklen Haka i cili ndodhet në spitalin e Traumës, ndodhet tashmë jashtë rrezikut për jetën.

Markleni ka qenë duke lëvizur me makinë dhe dyshohet se është qëlluar me pistoletë në nofull nga një person ende i pa identifikuar, i cili lëvizte në këmbë.

Burimet bëjnë me dije se autori dhe Haka njiheshin me njëri-tjetrin.

Njoftimi i Plotë:

Krujë/Informacion paraprak

Në Nikël, Krujë, në rrethana ende të paqarta, është plagosur me armë zjarri shtetasi Mariglen Haka, i cili është transportuar për në Spitalin e Traumës, Tiranë, për ndihmë mjekësore dhe për momentin ndodhet jashtë rrezikut për jetën.

Menjëherë në vendngjarje kanë shkuar shërbimet e Policisë dhe po vijon krehja e zonës, me qëllim kapjen e autorit.

Grupi hetimor, nën drejtimin e Prokurorise së Rrethit Gjyqësor Krujë, po vijon punën për sqarimin e rrethanave të ngjarjes, si dhe identifikimin e kapjen e autorit.