“Më shumë se e shëmtuar” Pamja në Tiranë revolton Agron Llakajn: Të hiqet menjëherë

Aktori Agron Llakaj është revoltuar për tabelën që është vendosur në zonën ku ndodhet tigri në Kopshtin e ri Zoologjik ë të Tiranës.

Në të shkruhet: “Ju lutemi qëndroni të sigurt! Tigrat i duan fëmijët por ata janë të vështirë për t’u tretur. Kështu që ju lutemi qëndroni prapa”.

Llakaj shprehet se kjo është një shprehje e shëmtuar ndaj dhe bën thirrje se pavarësisht nga ku mund të jetë marrë të hiqet menjëherë.

“Mirëmëngjesi! Kjo tabelë është vendosur në Kopshtin Zoologjik të Tiranës…një shprehje e shëmtuar, nga kudo ku është marrë, duhet të hiqet urgjent. Më shumë se e shëmtuar.”-shkruan aktori.

Kopshti Zoologjik i Tiranës u inagurua rreth një javë më parë ku prezent ishin kryetari i Bashkisë Erjon Veliaj dhe kryeministri Edi Rama. Rama e cilësoi si një nga projektet më të rëndësishme dhe një nga hapësirat më argëtuese në kryeqytet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern