Mbyllen festimet e Jubileut/ Mbretëresha Elisabeth II përshëndet turmat pas mungesave për arsye shëndetësore

Mbretëresha Elizabeta II u shfaq në ballkonin e Buckingham Palace këtë të diel për të përshëndetur turmat e mëdha që ishin mbledhur për përmbylljen e festimeve katër ditore të Jubileut të saj të Platintë.

E rrethuar nga trashëgimtarët e saj, princat Charles, William dhe George, ishte shfaqja e parë e monarkes 96-vjeçare që nga e enjtja, pasi kishte shmangur disa evente për shkak të problemeve shëndetësore me lëvizshmërinë.

Duke përdorur një shkop ecjeje për mbështetje dhe e veshur me xhaketë dhe kapele jeshile kombinuar me doreza të bardha, mbretëresha qëndroi në ballkon për të kënduar himnin kombëtar, “God Save The Queen”, duke përshëndetur me dorë brohorimat e turmave.

🎙️ Podcast “Money Hour” | Fast News Economy