Boris Johnson do të vazhdojë të jetë kryeministër i Britanisë së Madhe edhe pse ka marre një nga goditjet më të rënda në karrierën e tij politike.
Sot u mbajt një mocion votëbesimi në parlamentin britanik ku sipas CNN 148 deputete votuan pro largimit te tij. Ndërkohë 211 deputetë votuan që ai te qëndrojë.
Situata u shkaktua nga ligjvënësit e pakënaqur në partinë e tij dhe pas një sërë skandalesh dhe muajsh spekulimesh për të ardhmen e tij.
Fitorja e tij do të thotë se ndaj tij nuk mund të ngrihet një sfidë tjetër brenda partisë për një periudhë njëvjeçare.
Duke qenë se nuk kishte ndonjë kandidaturë të spikatur për ta pasuar atë, shumica e vëzhguesve politikë kishin parashikuar se ai do ta fitonte votëbesimin.
Por vetë fakti që partia e tij e mbështeti mbajtjen e votëbesimit, është një shenjë e ndasive të thella mes konservatorëve.
