LIGJET E BIZNESIT
Lufta në Ukrainë ka arritur në ditën e saj të 110, dhe forcat ruse vazhdojnë të intensifikojnë sulmet.
Kolonel Dritan Demiraj, njëkohësisht ish-ministër i Brendshëm shprehet se kjo luftë solli unifikimin e vendeve perëndimorë dhe jo vetëm.
Sipas tij, ata i dhanë goditje Rusisë nga të gjitha anët dhe ky shtet nuk do të ketë më mundësinë të vazhdojë me agresionin.
“Rusia e filloi këtë operacion me 24 shkurt më synimin që të merrte gjysmën e territorit të Ukrainës dhe të ndërronte lidershipin e të largonte Zelenskyn, po ashtu të shkatërronte industrinë ushtarake të Ukrainës. Por kjo duket se solli futjen e të tjerëve dhe bëri që të ndërronte objektivi ushtarak dhe strategjik i Rusisë dhe marrjen e pjesës lindore, dhe zgjerimin e objektivave në pjesën jugore, drejt Detit të Zi.
Aleatët, SHBA, Britania e madhe, etj, u shtuan dhe vlen të theksohet se pas 32 vitesh ky konflikt bëri që për herë të parë të unifikohen vendet e NATO-s kundër Rusisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky konflikt solli unifikimin midis vendeve perëndimore por gjykoj që ky unifikim, kjo forcë, kjo vendosmëri, në mbështetjen ushtarake dhe asistencën që i është dhënë Ukrainës, por edhe asistenca diplomatike dhe ekonomike kanë qene një paralajmërim i madh për Rusinë e cila nuk besoj që do të ketë mundësinë për të vazhduar me këtë agresion.
Në gjykimin tim, Putini, dhe zërat se ai është i sëmurë, që besoj janë të vërtetë, në të ardhmen, nuk do të jetë nën drejtimin e Rusisë”, tha Demiraj.
