“Jemi miq me Ajasin” Pse u lirua Sulejmani? Çifti Konomi dorëzon deklaratën

Mesditën e sotme Ajas Sulejmani ka lenë qelinë e burgut.

Ai përplasi çiftin Arjan dhe Vilma Konomi të cilët ishin së bashku me foshnjen e tyre tre muajshe duke kaluar rrugën në vijat e bardhë në zonën e Kompleksit “Delijorgji” në Tiranë.

Sulejmani kërkoi masë më të butë sigurie, ndërsa vendimi u dha nga Gjyqtarja Rexhina Mamlika e cila vendosi që të merrte parasysh kërkesën e 39-vjeçarit duke e lënë në arrest shtëpie.

Ajasi dorëzoi gjithashtu gjatë seancës gjyqësore edhe një deklaratë nga çifiti Konomi.

Vilma dhe Arjan Konomi kanë deklaruar në atë shkresë se nuk kanë asnjë pretendim për të ngritur për këtë çështje dhe se janë miq me të akuzuarin.

Çifti për disa javë qëndroi në gjëndje të rënduar shëndetësore, por për fat të mirë ia dolën ta kalojnë, ndërsa foshnja e tyre shpëtoi mrekullisht vetëm me disa gërvishtje.