Habit Dekani i Fakultetit të Ekonomisë: Jemi në garë me Oksfordin

Gjatë prezantimit të 119 fituesëve të shpallur për nisjen e doktoraturës pranë Fakultetit të Ekonomisë, dekani i këtij institcucioni ka lëshuar një deklaratë të fortë. Teksa përshëndeste sallën, Dhori Kule u shpreh se fakulteti që ai drejton është në garë me Universitetin e Oksfordit për nga cilësia.

“Fakulteti Ekonomik është më i miri, krahasohet me, e dini të gjithë, Oksfordin dhe Harvardin. Në fakt Harvardi na e ka kaluar një çik, tani jemi në garë me Oksfordin. Por të jemi krenarë”- ka thënë dekani.

Ndryshe nga Oksfordi që diplomon mijëra doktorantë çdo vit, Fakulteti i Ekonomisë hap doktoraturat pas 10 vitesh bllokim. Duket një deklaratë e nxituar e dekanit, i cili dyshohet se nga entuziazmi, ka tentuar të lartësojë pak më lartë stekën e institucionit që drejton.