LIGJET E BIZNESIT
Gazetari Artan Hoxha ka zbuluar detaje të pathëna në lidhje me aksionin e bujshëm të RENEA-s në Elbasan.
Ai u shpreh se gjithçka ishte shumë sekrete, pasi do të arrestohej një person i shumëkërkuar, i cili deri më tani nuk ka rezultuar në listat e policisë.
Sipas Hoxhës, askush nuk e dinte që do të kryhej një operacion i tillë në Elbasan.
“U është dhënë një adresë dhe një emër. As trupa nuk e dinte që po shkonte atje. Është një person me inicialet L.M dhe nuk e kam hasur ndonjëherë. Ai është i panjohur për ne, por jo për policinë. Nuk e di nëse ky person ka dalë për shkak të Dumanit apo Hoxhajt. Nuk dihet nëse është vrasës apo organizator atentatesh, por njeri i rrezikshëm prandaj RENEA ka shkuar në Elbasan për këtë person. U kontrollua për këtë në tre katër adresa. Kur nuk kapën këtë, RENEA ka shkuar në tregun e Elbasanit dhe kanë shoqëruar dhjetë persona. Pastaj thanë se kishin shkuar për Suel Çelën dhe në fakt nuk kishte lidhje fare me Suel Çelën”, tha Artan Hoxha.
