LIGJET E BIZNESIT
Në takim me një mashkull që na tërheq, pasi kapërcejmë pak ndrojtjen dhe pak hezitimin, nëse nuk jemi në shoqërinë e një llafazani dhe një tipi super ekstrovert, pasi kemi ezauruar shkëmbimin klasik të informacionit për aktivitetet tona, mund të na mungojnë disa tema që duhen folur.
Këtu janë dhjetë pyetje, në dukje të lehta dhe të thjeshta, por që mund të hapin derën e botës së tij të brendshme pa e shtyrë atë nën trysnin e një presioni. Ne i propozojmë sipas intensitetit të bisedës. Ndoshta edhe ai ka një listë të ngjashme në cep të mendjes së tij, për të na vënë në provë dhe në këtë rast ia vlen të flitet lirshëm, edhe nëse një konfidencialitet i caktuar është gjithmonë i përshtatshëm.
– Si e imagjinoni veten në pesë vitet e ardhshme? – Përgjigja juaj do të na ndriçojë mbi pritshmëritë tuaja për të ardhmen. Nëse ai flet vetëm për karrierën dhe paratë, le të qetësojmë zemrat tona, ndoshta shumë mbrëmje dhe fundjavë të vetmuar na presin pa të.
– A je supersticioz? – Në këtë rast është e ndaluar t’i japësh një “kotele krejt të zezë, më mirë një koral të bukur”.
– Si është jeta perfekte për ju?– Kjo është gjithashtu një pyetje zbuluese: ne mund të mos zbulojmë perspektivat e tij reale, por të paktën do të zbulojmë nëse ai preferon të pushojë në det apo në mal.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
– Kush është personi që ka më shumë rëndësi në jetën tuaj? -Kujdes: nëse në moshën 30 vjeç e lart ai ende flet për nënën e tij, ia vlen të mendoni seriozisht.
– Çfarë vlerësoni më shumë tek shoku juaj më i mirë? -Një mënyrë tjetër indirekte për të zbuluar shumë gjëra rreth tij. Megjithatë, më mirë nëse biseda për miqtë do të ishte prezantuar më herët.
– Mendon se je një person i lumtur? – Kjo është njëqind milionë pyetje, e cila tregon shumë për një person. Le ta hedhim në “tapet” dhe të shohim se çfarë ndodh.
– Sa vjeç ishit kur nisët të dilni me vajza?– Një mënyrë indirekte, duke e marrë larg, për të futur temën e dashurisë.
– Jeni akoma miq me ish-et tuaj? -Një pikë tjetër kritike, që duhet trajtuar me kujdes maksimal, meshkujve zakonisht nuk u pëlqen të flasin për ish-et e tyre, veçanërisht në fillim të një lidhjeje të re.
– A beson ne dashuri? -Përgjigja do të duhet të jetë një po e këndshme, pa hezitim.
– Cila është ajo që e bën një marrëdhënie vërtet të mirë?– Edhe këtu çështja është delikate, për t’u trajtuar vetëm nëse kushtet e lejojnë. Megjithatë, kjo është pika thelbësore: ne gjithashtu mund të dimë menjëherë se si mendon ai.
Revista Psikologjia
