U plagos në këmbë/ Kush është 31-vjeçari, ish-kandidat për kreun e Partisë Socialiste në Durrës

Rreth orës 13:00 të ditës së sotme në lagjen nr.1 në Durrës, është plagosur me armë zjarri në këmbë, 31-vjecari Ardit Kërtusha.

Ai ka qenë kandidat për kryetar të Partisë Socialiste dhe drejtues i FRESSH në qytetin bregdetar.

I riu ndodhet në spital jashtë rrezikut për jetën ndërkohë që policia po vijon me krehjen e zonës, për identifikimin dhe kapjen e autorit.

Kërtusha është një personazh edhe mediatik, pasi në disa raste ka denoncuar kapjen e kupolës drejtuese të PS-së së Durrësit nga ish-kryebashkiaku Vangjush Dako.

Ngjarja mësohet se ka ndodhur në lokalin e reperit të njohur Noizy.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Rreth orës 13:00, në lagjen nr.1 Durrës, dyshohet se gjatë një konflikti të çastit, për motive të dobëta, është plagosur me armë zjarri, në këmbë, shtetasi A. K., 31 vjeç, i cili ndodhet nën kujdesin e mjekëve, jashtë rrezikut për jetën.

Vijon krehja e zonës, për identifikimin dhe kapjen e autorit. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.