Rama e thotë troç: Çfarë presioni është të kërkosh hetimin e një ish-presidenti dhe një ish-kryeministri të shpallur non-grata nga SHBA me akuzat më të rënda të mundshme?

Kryeministri Edi Rama deklaroi sot se nuk ka bërë presion ndaj drejtësisë, por se ka bërë një kërkesë legjitime, hetimin e Ilir Metës dhe Sali Berishës, ndonëse nuk i përmendi me emra.

Duke iu referuar deklaratave ndaj SPAK, Rama numëroi vitet që kur u krijua ky institucion dhe që kur nisi vettingu.

“Të kërkosh më shumë nga drejtësia kur vettingu po bën 5 vjet, SPAK-u po mbush 3 vjet nuk do të thotë të bësh presion se përndryshe çfarë do duhet të thoshim për deklaratat e përfaqësuesve të BE-së apo SHBA-ve. Ku është kërkuar dhe hapur nominalisht ndëshkimi i politikaëve apo i gjykatësve të korruptuar. Presion mbi drejtësinë, sipas meje jo. Sipas meje një kërkesë legjitime për të kërkuar më shumë nga drejtësia. Në ndërkohë që për drejtësinë është bërë investimi më i madh në historinë e këtij vendi, në aspektin politik qoftë nga partia në pushtet, PS-ja, qoftë nga miqtë dhe partnerët ndërkombëtarë. Çfarë presioni është të kërkosh hetimin e një ish-presidenti dhe një ish-kryeministri të shpallur non-grata nga SHBA-të me akuzat më të rënda të mundshme që lidhen drejtpërdrejt me veprimtarinë e institucioneve të këtij vendi”, tha Rama.Bw

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern