Publikohet harta/ E gjithë Tirana “e bllokuar” më 25 maj, ja rrugët që do të lihen të lira

Tirana do të jetë tërësisht “e hermetizuar” më 25 maj.

Të gjitha rrugët e kryeqytetit do të jenë të bllokuara.

Sipas hartës, akset ku do të lejohet lëvizja janë vetëm Unaza e Madhe dhe Rruga e Elbasanit.

Për herë të parë në historinë e tij, kryeqyteti shqiptar do të presë një finale evropiane futbolli dhe Bashkia e Tiranës është përgatitur me të gjitha detajet që kërkon në ngjarje e tillë.

Në prag të ndeshjes Roma-Feyenoord më 25 maj, kryebashkiaku Erion Veliaj ka dhënë disa ditë më parë disa porosi të fundit për grupin koordinues, që po merret me organizimin, si dhe disa këshilla për qytetarët e Tiranës, duke qenë se ajo ditë do të jetë pa makina.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Qyteti po bëhet gati për të pritur tifozët që nuk do të bileta dhe do ta shohin ndeshjen jashtë stadiumit. Amfiteatri Veror i Liqenit dhe pedonalja “Murat Toptani” do të kthehen në Fan Zone për tifozët e Romës dhe Feyenoord, ndërsa sheshi “Skënderbej” do të presë tifozë neutralë, në mënyrë që edhe ata që nuk kanë bileta, ta shijojnë ndeshjen me po të njëjtën atmosferë si në stadium.