Përkeqësohet situata! Ushtria ruse bombardon rezervuarin me acid në Severodonetsk

Gjatë sulmeve ajrore të ushtrisë rusë është goditur një rezervuar me acid nitrik në qytetin Severodonetsk, kanë njoftuar autoritetet ukrainase.

Në një postim në Telegram, Serhiy Hayday i ka bërë thirrje banorëve lokalë që të mos largohen nga strehimoret dhe bunkerët, nga frika se mund të rrezikohen nga kimikatet e rrezikshme që janë shpërndarë në ajër pas sulmeve ajrore.

Madje Hayday ka publikuar fotografitë e reve që kanë marrë ngjyrë rozë që qëndronin mbi ndërtesat kolektive. Megjithatë nuk ka dhënë ndonjë informacion shtesë për dëmet që mund të jenë shkaktuar.

“Banorë të këtij rajoni mos dilni nga strehimoret dhe bunkerët”, ka shtuar ai duke i bërë thirrje qytetarëve që edhe nëse e bëjnë një gjë të tillë të përdorin maska kundër gazit.

An #APU soldier took a video of the nitric acid plume in #Severodonestk believed now to have been caused by an RUS air strike. Estimates are that RUS currently holds 70% or more of the City.#Ukraine#ukrainianwar#UkraineInvasion pic.twitter.com/pZP5Mj21gL

— Uri Kikaski (@UKikaski) May 31, 2022