“Nuk ndalemi” Përfundon protesta në Rinas, por banorët paralajmërojnë sërish

Përfundon protesta në Rinas, e cila zhvillohet prej tre ditësh, pasi rruga është bërë me një sens kalimi.

Nuk pati përplasje as tensione, por banorët kanë paralajmëruar se do të kthehen sërish nesër, nëse nuk do  të marrin zgjidhje nga autoritetet.

Më herët një mësues u shpreh se ditën e sotme në protestë ka qenë edhe nxënës. Sipas tij rreth 90 % e nxënësve nuk janë paraqitur sot në shkollë.

Ai gjithashtu shprehu shqetësimin, pasi devijimi i rrugës i detyron të bëjnë më shumë kilometra.

“90 % e fëmijë nuk kanë qenë sot në shkollë. Ne kemi ardhur sot rreth e qark. Nuk ka rrugë tjetër. Unë vij nga Fushë Kruja dhe duhet të bëjmë 30 km”, u shpreh një mësues.