LIGJET E BIZNESIT
Teksa temperaturat janë ulur, sinoptikania Lajda Porja ka bërë një parashikim të motit për ditët në vijim.
Ajo thotë se deri në mesin e kësaj jave do të ketë prezencë të reshjeve të shiu.
“Parashikohet që deri në mesin e javës të paktën deri ditën e mërkurë prezenca e reshjeve të jetë kryesisht në zonat malore, ndërsa sot pritet që i gjithë territori të jetë me vranësira dhe reshje shiu. Herë pas here do të ketë momente rrebeshe afatshkurtra kryesisht në veri, veriperëndim. Zonat qendrore dhe jugore do të kenë shira në sasi më të pakta”, tha Porja.
Lajda Porja tha se situata me reshjet është shoqëruar edhe më një ulje të temperaturave. Termometri pritet të ngjitet jo më shumë se 19 Gradë.
“E marta dhe e mërkura kryesisht në zonat malore. Të enjten dhe të premten moti do të jetë me diell dhe me vranësira, do ketë rikthim të shirave ditën e shtunë, por në sasi të pakta”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Po ashtu, Porja është shprehur se gjysma e parë e muajit Maj do të jetë me reshje. Pjesën tjetër, tha ajo, do të ketë temperatura të larta.
“Maji është parashikuar që të ketë prezencë të reshjeve në pjesën e parë të saj. Themi deri nga data 11, 12. Megjithëse në sasi të pakta, reshjet do të jenë prezente. Më shumë në zonat malore, por nuk përjashtohet edhe zona qendrore. Në pjesën e dytë të muajit do të kemi temperatura më të larta”, u shpreh Porja.
