“Forca goditëse nuk është në nivelin e duhur” Kryeprokurori i shqetësuar për fenomenin që po ndodh në Shqipëri

Kryeprokurori Olsian Çela ka ngritur alarmin në lidhje me fenomenin e pastrimit të parave në Shqipëri.

Sipas tij, nuk është bërë aq sa duhet.

Në raportimin që Çela bëri para Këshillit Kombëtar të Integrimit tha se vlerësimet janë për nivele shqetësuese të qarkullimit të parave që burojnë nga aktivitete të paligjshme.

Ajo që duhet bërë u shpreh Çela është nevojë për ridimensionim të angazhimit të cdo strukturë për luftën kundër pastrimit të parave.

“Sa i përket pastrimit të parave, me gjithë masat që janë marrë dhe ka një përmirësim të shifrave jam i mendimi se nuk behët mjaftueshëm në këtë drejtim. Të gjitha vlerësimet janë për nivele  shqetësuese të qarkullimit të parave që burojnë nga aktivitete të paligjshme. Ndërkohë që  forca goditëse nuk është në nivelin e duhur. Kemi bërë përpjekje maksimale si ne ngritjen e strukturave, me trajnime dhe forcimin e kapaciteteve. Por nuk është bërë sa duhet. Ka nevojë për ridimensionim të angazhimit të cdo strukturë për luftën kundër pastrimit të parave”, tha ndër të tjera Kryrprokurori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sa i takon luftës kundër korrupsionit, Çela u shpreh: “Në lidhje me nivelin e korrupsionit, unë paraqita shifrat në mbledhjen e kaluar. Veprat që janë në kompetencën tonë ndiqen nga qershori i vitit të kaluar dhe shifrat e vitit të parë janë premtuese. Vlerësoj se duhet bërë më shumë në këtë drejtim”.