E konfirmuar/ Shqipëria miqësore me këtë shtet më 13 qershor në “Air Albania”

Kombëtarja e Shqipërisë do të luajë një ndeshje miqësore me Estoninë.

Është arritur akordi mes Federatës Shqiptare të Futbollit dhe Federatës Estoneze që sfida të luhet më 13 qershor 2022 në stadiumin “Air Albania” në Tiranë, në orën 18:00.

Në këtë datë ishte planifikuar më parë që Shqipëria të luante ndaj Rusisë në Ligën B të Nations League, por pas vendimit të UEFA për pezullimin e Rusisë, FSHF vendosi që të shfrytëzonte këtë datë zyrtare për të organizuar një miqësore.

Po në qershor Shqipëria do të luajë më 6 qershor me Islandën në transfertë dhe më 10 qershor me Izraelin në shtëpi, që të dyja sfida të vlefshme për Nation League.

Kjo do të jetë hera e katërt që Shipëria dhe Estonia do të përballen në një ndeshje futbolli. Në të kaluarën të dy përfaqësueset janë ndeshur tre herë me njëra-tjetrën, në të tre rastet për ndeshje miqësore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern