Do të luhet në Air Albania/ Finalja e Conference League, ja si mund të siguroni biletën për ndeshjen

Tifozët e futbollit në mbarë botën sot janë njoftuar prej UEFA se është hapur procesi i shitjes së biletave të finales historike të Conference League.

Ndeshja do të luhet më 25 maj 2022 në stadiumin “Air Albania” në Tiranë.

Të interesuarit mund të hyjnë në faqen zyrtare të UEFA.com duke përdorur linkun përkatës www.uefa.com/tickets dhe të krijojnë paraprakisht një llogari, duke u regjistruar në faqe, teksa do të njoftohen nga UEFA në ditët në vazhdim për blerjen finale të biletës. UEFA synon që shitjet të nisin në fund të muajit prill, njofton Federata Shqiptare e Futbollit.

Në llogarinë e tyre, tifozët e futbollit mund të tregojnë ekipin e tyre të preferuar, duke zgjedhur klubin që ata mbështesin në mënyrë që të mund t’u japin organizatorëve një ide mbi shpërndarjen e biletave në javët në vijim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern