“Ankthi po shtohej” Shakohoxha rrëfen për herë të parë gënjeshtrën më të madhe që iu tha shqiptarëve

Komentatori sportiv Dritan Shakohoxha ka folur për ndeshjen e shumëpërfolur Shqipëri-Serbi në Beograd ku djemtë kuqezi u sulmuan fizikisht.

Loja u ndërpre, tensioni ishte i madh nga tifozët por dhe nga futbollistët serbë të nxehur nga flamuri Autoktonus që Ismail Morina lëshoi në mes të fushës.

Ndërkohë që situata dukej se doli jashtë kontrollit dhe në Shqipëri shtohej ankthi për sigurinë e lojtarëve tanë, komentatori Dritan Shakohoxha në një lidhje nga Beogradi tha se ndodhej në korridoret e brendshme të stadiumit. Shakohoxha raportoi se lojtarët e skuadrës kuq e zi i kishte fare pranë dhe ishin shëndoshë e mirë.

Shtatë vjet më vonë, në emisionin Shakohoxha pranoi se kishte gënjyer.

“Nuk isha asnjë sekondë në ambientet e brendshme të stadiumit, isha po aq i shqetësuar sa ju në Shqipëri për fatin e lojtarëve tanë,”- tha gazetari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Problemi ishte se telefonatat e familjarëve, ankthi i tifozëve dhe i gjithë shqiptarëve shtohej, tensioni po rritej edhe në Shqipëri po aq sa në Serbi. Kështu vendosa të thoja një të pavërtetë, që të qetësoja familjarët e lojtarëve. E imagjinoja se në çfarë ankthi duhet të ishin”, pranoi Shakohoxha.