LIGJET E BIZNESIT
Lihet në paraburgim nga autoritetet holandezi 38-vjeçari shqiptar, i njohur ndryshe me emrin Dejvi ‘Tony’ G. Ai akuzohet se është koka e një bande të trafikut të kokainës atje.
Mediat e huaja shkruajnë se Dejvi, i cili ka në pronësi edhe kompaninë e makinave Alba Car në një qytet në Holandë, u fsheh vitin e fundit në Shqipëri dhe sot u vetëdorëzua para autoriteteve holandeze.
Por kush është 38-vjeçari shqiptar dhe përse u rikthye papritur në Holandë?
30-vjeçari mendohet se është drejtuesi i një organizate kriminale që merret me trafikimin e lëndëve narkotike, ndërsa është po ashtu edhe pronar dhe drejtor i një kompanie makinash.
Sipas organeve të drejtësisë, nëpërmjet kësaj kompanie ishte drejtuar një operacion ndërkombëtar droge.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në tetor të para dy viteve, shërbimet e hetimit bënë kontrolle të shumta në disa zona të Holandës dhe të Spanjës, ku ranë në pranga 14 persona, mirëpo Dejvi arriti që t’i shpëtonte policisë.
Sipas mediave, thuhet se ai u arratis drejt Shqipërisë menjëherë pas këtij operacioni, por së fundmi, duket se kishte filluar të mendonte vetëdorëzimin në Holandë. Arsyeja mendohet se lidhet me banesën që ai ka në Sittard, aty ku dhe la pas miqtë dhe jetën që kishte ngritur.
Duke mos e pasur aspak të lehtë kthimin në Holandë për shkak se ndaj tij kishte një urdhër arresti ndërkombëtar, përmes avokates së tij Gitte Stevens kërkoi ndihmë për të finalizuar vendimin e për t’iu dorëzuar autoriteteve.
Pas dakordësimit të avokates me instancat përkatëse, ai arriti që të udhëtojë nga Shqipëria drejt Holandës pa u ndalua dhe të vetëdorëzohet para policisë holandeze. Tanimë ai ndodhet në paraburgim, ndërsa ditën e premte pritet që të dalë para trupës gjykuese.
