Shkrumbohet makina e kryeplakut, autorët thyen xhamat dhe e spërkatën me benzinë

Digjet makina e shtetasit Prek Vata kryeplakut të Vermoshit në Malësi të Madhe.

Bëhet me dije se ngjarja ka ndodhur gjatë pasdites të së dielës, konkretisht në qendër të fshatit. Makina tip “Fuoristradë” është shkrumbuar tërësisht nga flakët e zjarrit.

Vetë kryeplaku Vata, rreth 70-vjeç, shprehet se djegia e mjetit ka qenë e qëllimshme.

Kjo pasi, sipas tij, autori i ngjarjes ka thyer fillimisht xhamat e makinës dhe më pas ka hedhur benzinë në makinë. Vetë Vata është lajmëruar nga të afërm lidhur me ngjarjen.

Sakaq, specialistët e policisë janë nisur drejt vendit të ngjarjes, për të zbuluar më shumë rreth shkaqeve të kësaj ngjarje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern