“Pse mi ke sjellë false?” Ndodh në Tiranë, kambistja kap mat të riun, ja si reagon ai (VIDEO)

Gjykata e Tiranës ka vendosur të caktojë sot masën e sigurisë “Arrest me burg” për tre të rinjtë të cilët ranë në pranga dy ditë më parë me akuzën për falsifikim parash.

Vijard Kotorri, Ervin Kamolli si dhe Edmond Dokushi, dolën sot para togave të zeza për tu njohur me masën e sigurisë.

Ata u zbuluan pasi Kotorri u paraqit me kartëmonedha dollarë false në një pikë këmbimi valutor. I riu, i cili tentoi të këmbente rreth 2 mijë dollarë u zbulua nga kambistja e cila telefonoi edhe policinë.

Siç mund të shihnin edhe në videon e siguruar nga “Klan News” Kotorri tenton të mashtrojë punonjësen duke thënë se dollarët ishin marrë në bankë. Pasi kambistja merr telefonin për të njoftuar policinë, i riu del nga pika e këmbimit dhe largohet.

Nga salla e gjyqit sot një prej të arrestuarve, Kotorri deklaroi se kishte gjetur në rrugë në Laprakë disa ditë më parë 8 mijë dollarë, por vetëm 2 prej tyre kishte tentuar që të thyente dhe se pjesën tjetër e kishte djegur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kotori: A ka mundësi që të më japësh lekët mbrapsht?

Punonjësja: Jo, sepse ti po më thua që unë nuk jam mirë. Pse i ke sjellë në zyrë këto false? (I numëron dhe dalin 20 prerje 100 dollarëshe). Bravo, 2 mijë dollarë.

Siç shihet, në momentin kur punonjësja i bie telefonit, personi që tenton ta mashtrojë dhe bëni sikur flet në telefon e largohet nga pika e këmbimit.