LIGJET E BIZNESIT
I kthyer në 2016-ën në Shqipëri, eksperti Prençe përgjegjësinë kryesore për tkurrjen e popullsisë ia faturon qeverive, pasi nuk kanë mbështetur aktivitetin ekonomik të bizneseve në mënyrë që të krijohen kushtet për rritjen e pagave. Në studione A2 Business ai tha se mentaliteti i vetëm që ekziston në Shqipëri për zgjidhjen e situatës është largimi.
“Qeveritë nuk kanë menduar të mbështesin aktivitetin ekonomik të biznesi që të krijohen kushtet e punës për rritjen e pagave. Duke pasur këto handikape dhe zhvillim sporadik nga biznesi po sjell këto problematika dhe ajo që është më kritike është që asnjeri nuk po preokupohet. Jam kthyer në 2016 dhe pyetja e parë që më bëhet është; pse u ktheve? është mentaliteti se zgjidhja e vetme është ikja se nuk ekziston meritokracia”.
I pyetur nëse është penduar që është kthyer Prençe thotë: “Nuk jam penduar, por nëse do të kthehesha pas do ta mendoja dy herë. Vendin duhet ta ndryshojmë ne. Qeveritë nuk kanë menduar larg. Nuk ke një amortizator që biznesi të lejojë rritjen minimale të pagës. Jemi bërë si puna e një situate të Zorros, që kur nuk kemi lekë dihet ku janë të pasurit dhe qeveria i fut dorën në xhepin e të bizneseve. Jemi minë me sahat”.a2
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
