LIGJET E BIZNESIT
Deputetja e Partisë Demokratike Grida Duma ka publikuar një video me fragment nga filmi “Koncert në vitin 36’”.
Me këto pamje ajo ironizon përçarjet në forcën politike më të madhe opozitare në vend.
Duma thekson se “ndarja e miletit në “dysh” a në “tresh”, i shërben aq shumë atij që qeveris rehat në përçarje, sa s’dihet me sa e paguan”. Sipas saj politika shqiptare është e zhytur në moçalin e të shkuarës që përsëritet e përsëritet.
REAGIMI I PLOTE
Arti është forma më e lartë e politikës!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Veprat e mëdha artistike janë po aq dhe mjeshtëri e plotë e ideologjisë politike.
“Koncert në vitin ‘36”, është padyshim një kryevepër e filmit shqiptar.
..Ndarja e miletit në “dysh” a në “tresh”, i shërben aq shumë atij që qeveris rehat në përçarje, sa s’dihet me sa e paguan.
“Kënga” siç thotë qeveria, nuk ka pse ndalohet, sa kohë që shërben që populli të rrijë gjatë dhe vetëm në shfryrje; qoftë kjo duke kënduar (a protestuar).
Se në fund të fundit, pas shfryrjes koncerti mbyll perden, mileti ul ankthin e revoltën, e jeta është e justifikuar të vazhdojë fiks aq keq sa ka qenë gjithmonë, e ngecur aty në t? shkuarën.
E patjetër këtij “skenari” nuk i mungon rëndësia e periferisë; aty diku në cep ngjiret një bori proletare që gjoja mbyt me tym e zhurmë ahengun e çingijeve.
Perdia nuk mbyllet nëse nuk përcillet me këshillën e të tremburve të kudogjetshëm, që i drejtohen çdo heroi qesharak, me urtësinë e dhimbshme të përvojës së të rrahurve që në vogëli!!
E pra, “asgjë e re nga fronti i perëndimit”!
Politika shqiptare është e zhytur në moçalin e të shkuarës që përsëritet e përsëritet.
Ndonjëherë madje “gjoja e reja” është më e shitur, më e përlyer, më e shukur, se vetë e vjetra që e adhuroi athshëm me gjithë forcën e mediokritetit, nga nevoja për “njëçik” pushtet.
Të dashur miq, ka filma që rishihen gjithmonë dhe vlejnë sa herë shihen, e për këtë janë art i madh.
Siç edhe ka skenarë, (politikë po aq), që përsëriten gjithmonë e nuk u bënë as bëhen dot kurrë një film artistik! E mbetën një dëm historik!
