LIGJET E BIZNESIT
Nis seanca e rivlerësimit të masave për efektivët e policisë kufitare në Kukës që akuzohen për “shpërdorim detyre” dhe “korrupsion”. Gjykata pritet që të vlerësojë masat për 34 të arrestuarit 17 prej të cilëve janë punonjës policie që ndodhen në ‶Arrest në burg‶ 14 në ‶Arrest në shtëpi‶, dhe 3 të tjerë janë pezulluar nga detyra.
Masat u ekzekutuan para dy ditësh falë një bashkëpunimi midis Agjencisë së Mbikëqyrjes Policore, SPAK dhe Policisë së Shtetit. Sipas SPAK, gjatë hetimeve është dokumentuar veprimtaria e kundraligjshme e punonjësve të policisë kufitare në Kufitare në Kukës gjatë kohës së kryerjes së shërbimit në Pikën e Kalimit Kufitar Morinë. Veprimet e kundraligjshme konsistonin në raste të shumta korruptive të kryera në vijimësi gjatë ushtrimit të detyrës nga e këtyre punonjësve, duke detyruar shtetas shqiptar dhe të huaj që të paguanin shuma të ndryshme parash për kalimin nga Shqipëria në Kosovë si dhe anasjelltas.
Nga hetimi janë dokumentuar plot 312 episode të veprimeve korruptive të punonjësve të policisë, të cilët favorizonin persona të ndryshëm për futjen e mallrave kontrabandë; persona që trafikonin automjete, sende të tjera të kundraligjshme; ndihmonin për të kaluar kufirin persona të ndryshëm me problematika ligjore për hyrjen dhe daljen e tyre ne vendet e BE-së, sa i përket regjistrimeve fiktive për hyrjen dhe daljen në territorin shqiptar; si dhe ndihmonin persona të tjerë që kishin probleme me ligjin, të cilët nuk regjistroheshin në sistemin TIMS, pasi nuk lejohej udhëtimi i tyre për në Kosovë dhe anasjelltas.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
