“Do kishim vënë Hashim Thaçin president” Habit Rama: Por fatkeqësisht nuk është i pranishëm për momentin

Pas përfundimit të mbledhjes së Kryesisë së Partisë Socaliste, kryeministri Edi Rama ka folur për mediat.

Duke folur për zgjedhjen e një presidenti të mundshëm nga Kosova, ai tha se do të preferontë si kandidat Hashim Thaçin, por rrethanat e bëjnë të pamundur pasi ndaj tij po zhvillohet një proces gjyqësor dhe për momentin është në qeli.

“Nuk bëjmë asnjë negociatë dhe nuk kemi asnjë komunikim për të bërë në atë që në funksion të politikës është , ne do kishim vënë Hashim Thaçin president dhe do ishte një president i shkëlqyer për Shqipërinë dhe Kosovën, por fatkeqësisht ai nuk është i pranishëm për momentin në bashkësinë shqiptare si i lirë se ndaj tij po zhvillohet një proces që mos më bëni ta them se ca procesi është”, tha Rama.