Breshëri kallashnikovi në drejtim të një mobilerie, tronditet Kruja

Një mobileri në Nikël të Krujës, në pronësi të shtetasit Myslym Karaj, është qëlluar me kallashnikov përgjatë natës.

Ka qenë vetë pronari ai i cili ka njoftuar policinë, pasi kur ka hapur biznesin sot në mëngjes ka parë që është qëlluar me armë.  Grupi hetimor ka arritur në vendin e ngjarjes dhe po punon për zbardhjen e plotë të ngjarjes.

“Më datë 15.04.2022, rreth orës 08:20, shtetasi M. K. ka njoftuar sallën operative se në fasadën e objektit (mobilierisë) në pronësi të tij, ka konstatuar disa shenja, që dyshohen se janë shkaktuar nga armë zjarri gjatë natës. Grupi hetimor ndodhet në vendngjarje dhe po punon për sqarimin e rrethanave”, njofton policia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern