Alarmi për bombë në Fier ka rezultuar fals.
Në karriget e një lokali ishte harruar një çantë.
Me të mbërritur në qytet, ekipet anti-eksploziv rreth tre orë pas njoftimit, kanë hapur çantën ku kanë gjetur disa libra dhe një shall.
Alarmi u dha nga banorë të zonës, ndërsa policia fillimisht vendosi një perimetër sigurie, duke ndaluar qarkullimin e automjeteve dhe qytetarëve.
Çanta e dyshimtë u pikas në lagjen “15 Tetori” në Fier. Policia raportoi se rreth orës 14:00 në Polici kishte ardhur një telefonatë se në lagjen “15 Tetori”, Fier, në ambientet e jashtme të një lokali Bar-Kafe ishte konstatuar një çantë krahu.
Nga raportimet çanta u gjet në biznesin e 40-vjeçarit Henrik Hoxhaj, i cili u arrestua në të njëjtën natë me Nuredin Dumanin, jashtë apartamentit ku fshihej i shumëkërkuari.
Në momentin e arrestimit Hoxhajt ju kap edhe një armë në brez. Hoxhaj tashmë ndodhet në burg, ku është marrë në pyetje edhe nga prokuroria për zbulimin e ngjarjeve të tjera kriminale.
