Zjarrfikësi ukrainas humb jetën tragjikisht, i plas predha ndërsa po shuante zjarrin

Një qendër tregtare është përfshirë nga flakët masivisht pas shpërthimeve në qytetin e Kharkiv-it, ku forcat ruse kanë sulmuar disa zona rezidenciale. Puna për shuarjen e flakëve, ka qenë e madhe, por njëkohësisht edhe fatale!

Një pjesëtar i ekipit zjarrfikës, ka humbur jetën në luftë me zjarrin, pasi disa municione të pashpërthyera deri në atë moment kanë plasur, duke i shkaktuar kështu vdekjen e menjëhershme.

Një tjetër koleg i tij, është plagosur dhe po trajtohet për djegie në shkallë të rëndë.

Pjesa tjetër e ekipit, ka arritur të vërë nën kontroll flakët, duke e shuar zjarrin. Viktima të tjera nuk janë raportuar deri më tani në këtë ngjarje.