U dënua vetëm me 10 vite burg, sot seanca në Apel për vr asësin e Klodian Rashës 

Shtyhet për në orën 13:30 seanca ndaj efektivit Nevaldo Hajdaraj, i cili akuzohet për vrasjen e Klodian Rashës, ngjarje kjo e ndodhur në Dhjetor të vitit 2020.

Sot do shpallej vendimi ndaj ish-efektivit të “Shqiponjave” në apelin e Tiranës, mirëpo seanca u shty pasi palët do ridëgjohen edhe njëherë.

Në datën 8 mars 2022 si mbrojtja dhe prokuroria kanë lexuar pretendimet e tyre, por si pasojë e një defekti në audio ato nuk ishin regjistruar dhe për këtë arsye procesvervali cilësohet si i pavlefshëm.

Mbrojtja dhe akuza do të japin sërish pretendimet e tyre e më pas do jepet vendimi.

Përmendim se Gjykata e shkallës së parë të Tiranës, e dënoi Hajdarjan me 15 vite burg, ku si pasojë e gjykimit të shkurtuar i ulet 1/3 e dënimit, duke përfunduar në 10 vite pas hekurave

. Vendimi irritoi së tepërmi familjarët e Klodian Rashës, i cili u qëllua pabesisht pas shpine, nga ana e efektivit të policisë, me pretendimin se kishte thyer orën policore, të vendosur si masë parandaluese për përhapjen e infektimeve të virusit.

Ngjarja shkaktoi protesta në Tiranë dhe disa qytete të tjera të vendit, për shkak se policia tentoi të hidhte baltë mbi viktimën, duke pretenduar se ai kishte kërcënuar me armë efektivët, gjë që u vërtetua se nuk ishte e vërtetë, edhe pas publikimeve të pamjeve filmike.

Hajdaraj u akuzua për “Vrasje e kryer në kapërcim të kufijve të mbrojtjes së nevojshme” por më pas nga pamjet filmike si dhe provat e administruara prokuroria e Tiranës riklasifikojë veprën dhe akuzoi efektivin për “Vrasje me dashje”.